Januaarip aallaqqaataani 2018-imi atuisunut akit
Atuisunut akit ukiup affaa kingullermi 2017 juulimiit 2018 januaarimut 0,8 pct.-imik apparput. Atuisunut akit apparnerannut pissutaanerpaapput innaallagissamut imermullu akigititaasut apparneri. Ukiup affakkaarlugit januaari 2014-imiit januaari 2018-imut atuisunut akit nikittarneri titartagaq 1.-imi takutinneqarput.
Titartagaq 1. Jan. 2014-imiit jan 2018-imut atuisunut akit, ukiup affakkaarlugit nikittarneri pct.-inngorlugit,
Najoqqutaq: http://bank.stat.gl/PRNPRISV Indeks (2008=100)
Atuisunut akit ukiukkuutaartumik ineriartornerat
Januaari 2017-imiit januaari 2018-imut atuisunut akit 0,5 pct.-imik qaffapput. Titartagaq 2-mi pct.-inngorlugit qaffattarneri ukiukkaartumik takutinneqarput
Titartagaq 2. Atuisunut akit ukiukkaartumik pct.-inngorlugit qaffanneri
Najoqqutaq: http://bank.stat.gl/PRNPRISV Indeks (2008=100)
Nioqqutissat immikkuutitaartut ataasiakkaat ukiumut ineriartornerat
Atuisunut akitigut ineriartorneq Inuussutissat kiffartuussinerillu ataatsimut nioqqutissat immikkuutitaartut ataanni ineriartornerannit pipput. Kisianni nioqqutissat immikkuutitaartut ataasiakkaat ineriartorneri assigiinngeqaat. Ukiumoortumik ineriartorneq januaari 2017-imiit januaari 2018-imut nioqqutissat immikkuutitaartut ataasiakkaat titartakkami 3-mi takutinneqarput. Nioqqutissat immikkuutitaartuni qaffariarnerpaasimasut tassaapput Sunngiffik aamma piorsarsimassuseq aamma Neriniartarfiit akunnittarfiillu. Taakku saniatigut nioqqutissat immikkuutitaartunit arlaqartut akii appariarsimapput, taakkua ilagaat Inigisaq aamma Inigisami atortut pissarsiat, akit apparnerannut innaallagiaq imerlu pissutaaqataasut ilagaat.
Titartagaq 3. Nioqqutissat immikkuutitaartut januaari 2017-imiit januaari 2018-imut pct.-iisa nikerarnerat
Najoqqutaq: http://bank.stat.gl/PRDPRISV